florence 晴天雨

爸爸媽媽返左中山玩, 又得返我一個人yeah!

 

今日返工都ok, 心情可以tune返hyper少少,
所以放工捉左班長一齊去德福食飯,
心情好好所以野食特別好味 =]
我想今個星期都keep住心情只係hyper少少就可以,
唔需要多, 足夠我開心就可以~

至從哥哥搬左去澳門返工, 有時會有d唔習慣,
我唔習慣冇左個人半夜三更威迫利誘我去幫佢煮宵夜食,
我唔習慣冇左個人半夜三更霸住部電視同我爭電視睇,
我唔習慣冇左個人夜晚同我爭報紙睇,
我最唔習慣星期六晚上十一點睇怪談冇左哥哥, 我一個人睇好驚...
連早上返工, 都冇人俾我叫醒,
以前一出門口就: "快!d!起!身!呀!聽!唔!聽!到!呀!"
然後就搞佢d頭髮, 好大執陰呀哥哥 XD

今晚打電話俾佢......
N: "喂!"
F: "喂..哥..哥.."
N: "..."
F: "哥哥好掛住你呀, 我今次鐵定左11月2日過來搵你, 今次真係"
N: "嗯... 你阿哥飛左條線去我電話, 我叫佢打返俾你"
F: "下? 你唔係我阿哥?"
N: "我唔係呀"
F: "哦, 咁我遲D再搵佢"
N: "喂喂喂喂... 你鐵定邊日過來搵佢呀? 我話佢知丫"
F: "嗯... 你叫佢得閒打返俾我"

-__________-" 連阿哥都認錯, 仲同個陌生人講... 好掛住你... 唉~


今晚上網見到個可能就快見面的其中一個朋友,
其實今日中午都見到另一個就快見面的朋友,
諗左好耐唔知點講的說話, 無意之間講左出來,
心情突然變得輕鬆返, 可能大家都講講笑輕輕帶過題目。


其實人越大, 身邊的人都會灌輸一套金錢理論俾我,
以前都唔太相信, 但自從發生大伯父魂歸天國之後,
我慢慢開始相信。
不過我唔想, 真係唔想變成咁樣。